НАСТАНИ
НАСТАНИ ВО НАШЕТО УЧИЛИШТЕ
„Во духот на Новата година, преку труд, насмевки и заедништво, учениците нè потсетија дека вистинската вредност е токму во радоста што ја споделуваме.“
Организацијата на ООУ „Кочо Рацин“ - Петровец
25.12.2025
„Традиционален новогодишен базар“
Во нашето училиште на 25.12.2025 година, се одржа традиционалниот новогодишен базар
Учениците од I до IX одделение активно учествуваа со креативни рачни изработки и вкусни новогодишни десерти, изработени со многу љубов и посветеност.
Учениците од V и IX одделение покажаа одлични организациски и комуникациски вештини, успешно преземајќи ја улогата на продавачи.
Учениците од Ученичкиот парламент дадоа свој придонес на базарот и понудија здрава храна и свежо цедени сокови, промовирајќи здрави навики и правилна исхрана.
Во топла новогодишна атмосфера, исполнета со насмевки, дружење и позитивна енергија, беа продадени речиси сите изработки и производи.
Голема благодарност до сите ученици, наставници и родители кои придонесоа овој настан да биде незаборавен!
22.12.2025
Претстава во чест на патронот Кочо Рацин
Реализирана училишна претстава по повод 22 декември – денот на раѓањето на Кочо Рацин. Учениците со стих, драмска игра му оддадоа почит на Рацин – еден од најзначајните македонски поети.
„Почитта кон поетите претставува почит кон духовното наследство и културниот идентитет на народот.“
Организацијата на ООУ „Кочо Рацин“ - Петровец
„Со игра и песна учиме за фер-игра, храброст и пријателство. Ова искуство е потсетник дека знаењето и човечноста растат кога се споделуваат.“
Организацијата на ООУ „Кочо Рацин“ - Петровец
24.09.2025
Претстава „Music talent show“
Во нашето училиште се одржа претстава, во кои учениците од прво до петто одделение ја следеа претставата „Music talent show“ во организација на Алтернативен Театар Отпишани- Скопје.
Претставата беше интерактивна и поучна, а учениците следејќи ја имаа можност да учат за фер-игра, меѓусебна поддршка и храброст.
01.09.2025
Почеток на училишна 2025/2026 година
Денеска заѕвони првото училишно ѕвонче за најмалите ученици – првачињата.
Во ООУ „Кочо Рацин“ во Петровец се одржа пригодна манифестација на која присуствуваа градоначалникот на Општина Петровец, Борче Митевски, претседателот на Советот на Општина Петровец, Златко Ацевски, директорката на училиштето Виолета Јаневска, како и голем број родители. Пред присутните се обратија директорката Виолета Јаневска и градоначалникот Борче Митевски. Градоначалникот на првачињата им посака успешен почеток на првиот училишен час, со желби за постигнување одличен успех и лесно совладување на наставата.
„Среќен почеток најдраги првачиња!“
Виолета Јаневска
Директор на ООУ „Кочо Рацин“ - Петровец
„Осум децении славиме знаење, посветеност и генерации што растеле во духот на образованието и човечноста. Овој јубилеј е поттик за уште многу иднини исполнети со успех и мудрост.“
Организацијата на ООУ „Кочо Рацин“ - Петровец